di Adolfo Giuliani
Stammatina me so’ susuto
e so’ ghiuto ’o campusanto
pe’ ghì a truvà
’e muorte nuoste
e pe’ vedè comme steveno…
Embè…
aggio truvato
’a surpresa
ca dint’ ’e fuosse
nun ce steva niscuno:
se n’ereno iute
tutte quante,
p’ ’a paura d’ ’o virus!
Po’ aggio saputo
ca tutte ’nzieme,
pure chille
ca nun sapeveno
pecché steveno llà
so’ ghiute pure lloro,
a nu posto annascuso
addó nisciuno ’e ppò truvà
e manco ’o virus
ce pò arrivà!