L’estate (‘a staggione), la stagione degli amori, al caldo dell’estate è dedicata la poesia di questa settimana. Periodo dell’anno dove le donne si mostrano in tutta la loro bellezza, al pari dei fiori che sfoggiano i loro colori splendenti, cosi le donne mostrano il loro fascino. Dalla mia raccolta ”Suspire d’ammore” : ‘O calore. Vi auguro un buon fine settimana al caldo rinfrescante del vostro amore.
Mario Longobardi

‘O calore

‘O calore da staggione è tutta n’ata cosa,
comm’ ‘o ciele dint’ ‘a notte regne tutt’ ‘o firmamente de cchiù belle stelletelle,
‘o calore mette in festa tutte quante
chesti vie che cchiù belle sciure auste.
L’aria è tutta prufumata,
ogni sciore ca’ cammina,
passìanne lascia ‘a scia,
è ‘na vera prucessione da bellezza femminile,
so’ madonne statuarie ca’ camminano pa’ via,
loro passane pe’ ‘nnanze,
sagrestane e giardiniere je mme sento.
È passate Annamaria,
‘ncè perdesse ‘a vita mia,
nire ll’uocchie, rossa ‘a vocca,
‘ncè muresse azzeccate a chillu musse,
ma po’ agge viste ‘a Rosa,
‘mbè è tutta n’ata cosa,

‘na faccella aggrazziata,
delicata e prufumata,
nu prufume affascinante,
s’è purtate ll’uocchie appriesse,
ma mentre guardave a essa
agge ‘ntise ‘na resata,
’o sciore se né gghijute,
‘na madonna era asciute,
s’è stutate ‘o giardiniere
s’è appicciate ‘o sagrestano,
co’ segne ‘e croce mme vuleve avvicinà,
ma ‘o piette ‘e Mmaculata
m’ ‘a tirate ‘ncopp’ ‘o lato,
‘na sbandata agge pigliate,
so’ cadute a faccia ‘nterra,
paravise e fuoche eterno,
‘o cchiu belle de supplizzie…
ah sti femmene che sfizzie.

Mario Longobardi
Suspire d’ammore

https://www.amazon.com/Suspire-dammore-Italian-Mario-Longobardi/dp/B08DBHD7YR/ref=tmm_pap_swatch_0?_encoding=UTF8&qid=1611172659&sr=8-1
www.facebook.com/mario.longobardi.7121
email: mario.longobardi1963@gmail.com