Buon sabato a tutti. Tra qualche giorno è natale, quindi la poesia di questa settimana è dedicata al bambin Gesù, che con la sua rinascita ci porta la speranza di una vita migliore e mai come quest’anno ne abbiamo davvero tanto bisogno. Tratto dalla mia raccolta di racconti/poesie “Chiacchiere, ammore e babà”. Vi auguro un sereno natale, sempre più innamorati.
Mario Longobardi
| È nato ‘O viaggio era stato faticoso e lungariello, ‘nc’era state ‘o censimento da popolazzione e accussì Mariuccella a cavallo ‘o ciucciariello, ‘nzieme a Peppe, c’‘o purtave, ca’ funa ‘mmane, s’erano ‘ncamminate po’ viaggio. Quase a nnotte erano arrivate a Bettlemme rinomata, chien’ ’e turiste affaccendate. Mariuccella nun ‘ncè’ a fa cchiù, assaje male lle fa ‘a panza e nun se riesce a truvà ‘na stanza, Peppe puverielle, mortificato pe’ chella situazzione, nun trova nisciuna soluzzione ma ‘o ciucciariello sapette addo è purtà. Mariuccella ‘ngoppe e Peppe appriesse, ‘o ciucciarielle e purtaje addò se puteve arripusà e ‘nzieme a isse, pure loro, putevano sta lla. Mariuccella scennètte, e ‘ngopp’ ‘a paglia se stennètte, arrivate era ‘o mumente è fa nascere a Nennillo. | Peppe ll’aiutava, Mariuccella se sfurzava e tra allucche, sanghe e strille, ‘ngopp’ ‘o munne se truvaje Nennillo. Chi sa comme succedette, chien’ ’e luce se regnètte chella stalla peccerella e tra ‘o toro e ‘o ciucciarello se scarfave già Nennillo, bello, comm’ ‘o sole ca’ s’affacce e fa chiare tutt’attuorne, accussì pure Nennillo allummave chella notte cu’ ‘na luce forte forte. Sbalurdite ‘e chill’astro accussì forte, tutt’ ‘a gente do paese se n’ascette a dint’ ’e case e ‘na scia longa longa se ‘ncamminaje pa’ via, p’appurà ch’era succiese quase a fine do paese. Era già passàte meza notte ma cu’ chella luce accussì forte mme pareve Piedigrotta, n’alleria se spannètte dint’ a ll’aria, ‘o paese steve in festa era nato Giesù Cristo. |
www.facebook.com/mario.longobardi.7121
email: mario.longobardi1963@gmail.com