Salve, un giorno da innamorati agli amici amanti della poesia, questa settimana Vi propongo una poesia tratta dalla mia terza raccolta “Suspire d’ammore”, dal titolo: Destino. Il tema trattato è quello della rabbia per l’abbandono e del lieto fine con un nuovo amore  in cui riporre le nuove certezze del proprio cuore. Vi auguro un buon fine settimana e una serena festa dell’Immacolata.

Mario Longobardi

Destino

Si ce penzo…

ancora mo  nun

mme ne rendo conto.

N’attimo primme

campave ‘mmiez’ ’e rrose,

ll’attimo doppe…

nun teneve manche

ll’uocchie pe chiagnere.

Aveve perz’ ogni cosa,

n’attimo era bastato

e comm’ a cane abbandunato

m’avevano lassate.

‘Nzallanute  pe’ stu fatto capitato

ero rimasto  lla  senza  sapè  che  ffa,

‘o core  tremmave,

nun mme capacitavo

era succiese proprio a mme.

Lacreme senza voce,

chiagnute amaramente

co’ core ca’mureve

e  ll’odio ca’ cresceva.

Nun mme ricorde

quanti vvote so’ muorte

chella notte,

nun mme ricorde

quanti juorne

camminaje pe’ chelli vie,

sule, affamato e sempe

cchiù arraggiate.

Forse ‘o Pataterno,

forse ‘o Diavule,

‘o  forse  fuje ‘o destino

ca’ ‘ncuntraje Annamaria,

pe’ essa fuje  n’ammore

a primma vista,

je troppe affamato
istintivamente faciette

‘o  simpaticone,

mme  purtaje  dinte

e  tra  pasta carne e purpette

mme  nascette n’ata vota

‘o core ‘mpiette.

Mo  so’  tre anne

ca’ stamme assieme,

e  ve  diche ‘a verità

so’ cuntente ‘e chelle

ca’  mm’ è capitate,

essa m’ha ditte

ca’ nun mme lasse maje.

Je  so’  ll’ammore suoje

e essa ‘a vita mia,

ogni  vvota ca’ mme vene vicine

senza ritegno m’assaje cuntente

lle donghe vase a mille a mille,

essa è cuntente,

mme chiamme Cucciolotto,

mme  fa  piacere  pure si nun songhe

proprie  peccerille

e  po’ Cucciolotto è cchiù bello

do nomme ca’  tenevo primme.

Mme chiammavo Fido,

e  je mme fidave ‘e loro

ma po’ bell’ è buono

m’hann’abbandunate.

Eppure  so’ bellille,

nu bellu setter inglese

bianco e nero,

sempre allegre,

sempre accorte,

‘e  vuleve  bene  veramente

bah…

meglio ca’ nun ‘ncè  penzo cchiù,

mo  sto cu’  sta nova ‘nnammurata,

Annamaria  mme  vo bbene

e pe’ mme  è  tutt’ ‘a vita mia.