Questa settimana non parliamo d’amore, parliamo del lavoro, cosa che tutti odiano ma che nessuno può farne a meno, perché il lavoro è l’unica cosa che ti permette di mantenere quel minimo di dignità per fare una vita decente. Buon fine settimana con l’augurio di un lavoro che soddisfi la vostra vita.
Mario Longobardi
‘A colpa è Pietro
‘A colpa è stata è Pietro
quacche migliare è anne fa,
nu poco l’età, nu poco ‘a distrazzione
e nascette chill’errore ‘e trascrizzione
ca’ cundannaje l’umanità.
Purtroppe, chill ha sempe tenuto
chella cosa ca’ s’emozione
quanne parle co’ figlio do Signore,
ca’ lle fa venì l’indecisione
e po’ è capace è rinnegà,
faccia a faccia senza scuorne
pure l’esistenza do Pataterno.
Mo diche je: tu Giesucrì, saje
ca’ ‘a cosa è importante
e Pietro buono nun ‘ncè sente,
chiamm’ ‘a n’ate, ne tiene
durece ca’ stanne lla,
e invece no, comm’ ‘o ssolito
si state presuntuoso
e s’anna ‘mbriacate è cose.
Comme che cosa?
Mo’ faje fint’è nun sapè?
Tu comme diciste?:
Po’ pane ‘ncè vo ‘a farina.
Ma Pietro che scrivette?:
Po’ pane ‘ncè vo ‘a fatica.
E a chillu juorne, pe’ magnà,
l’umanità è stata cundannata a faticà.