Buon santo Stefano a tutti, siamo ormai arrivati alla fine dell’anno e questa settimana vi racconto come è composto l’anno di chi e innamorato, la poesia di questa settimana si intitola: Estate e vierno. Tratta dalla mia raccolta ”Penziere d’ammore”. Vi auguro ‘na bona fine e nu buon anno nuovo ca’ speranza ca’ fernesce stu virus, e turnamme a ce putè abbraccià. Buon anno a tutti sempre più innamorati.

Mario Longobardi

Estate e vierno

Ll’ anno ‘e chi è ‘nnammurate,
tene sule ddoje staggione,
estate e vierno,
no pecchè è ‘na cosa ‘e niente
e quindi ann’accurciate l’anno,
ma proprio pecchè
comme a tutt’ ’e cose cchiù essenziale
sule ddoje cose po’ tenè.
Ll’ ammore è ammore!
Nun po’ tenè mezze misure.
O nire!… O janche!…
O fridde!… O cavere!…
O ‘nnammurate!… O sulitarie!…
‘A primmavera, l’autunno,
‘o ggrigio, ‘o rrosa songhe cosa ca’…
nun teneno ‘a giusta consistenza,
e invece ll’ammore…
‘mbè ll’ammore nun ‘ncè sta paragone,
ll’ammore è ‘na cosa importante,
appena appena pienz’all’ammore…
siente già ca’ ‘a vita tene cchiù sapore.
Quanne sì ‘nnammurate…
pure l’aria te pare prufumata,
è fernute vierno, ll’estate è arrivata,
ma no chella ca’ dure tre mise all’anno,
chesta, dure fino a che sì ‘nnammurate,
pecchè ‘e ‘nnammurate
se scarfano cu’ ‘e suspire
e stanne sempe tutt’accalorate:
tu respire e scarf’ a me…
je respire e scarf’ a te.
E accussì ogni gghjuorne
è sempe ‘o mese auste.

Ma si all’improvviso…
tu ‘nnammurate
nun sì cchiù ‘e essa…
ma si all’improvviso
essa nunn’ è cchiù
‘nnammurate ‘e te…
allora dint’a n’attimo
tu passe ‘a ll’estate a vierno,
e mentre steve tutte ‘nfucate…
pure ‘o sole s’è stutate,
e nun ‘ncè sta niente ‘a fa.
Cappotto, sciarpe, cappiello
pe’ fino ‘e guante…
ma ‘o core niente
resta sempe fridde,
e pe gghijonte ‘e dote
addeviente comm’a ‘nu criature
ca’ nun sape cchiù fa niente.
Ma nun te disperà
pe’ grazzie ‘e Dio
l’anno nuovo…
sta già pronte pe’ turnà.

https://www.amazon.it/Penziere-dammore-Mario- Longobardi/dp/1698830513/ref=tmm_pap_swatch_0?_encoding=UTF8&qid=1601593647&sr=8-1

www.facebook.com/mario.longobardi.7121
email: mario.longobardi1963@gmail.com