Ben trovati gentili lettori, la poesia di questa settimana è dedicata con amore e goliardia alle donne, donne che con la loro bellezza e il loro sapore rendono la nostra vita più intensa e gustosa. Vi auguro un buon fine settimana sempre più innamorati.
Mario Longobardi
‘A napulitana
‘A napulitana…
è tutta n’ata cosa,
nun ‘ncè sta
proprie paragone,
cu’ essa ‘ncè sta
cchiù soddisfazzione.
Ve po’ parè strano ma
‘a napulitana…
è cchiù ciaciosa,
zucosa comm’ ‘a
pummarola san Marzano,
mme ciaceje quanno
‘ncè mett’ ‘o musso,
ah… è na cosa proprie è lusso.
Comm’ a femmena vuliosa,
spisse a vvote è capricciosa,
chien’’e robba prosperosa,
è carnale e sapurita,
comm’ a quadro
fatt’ ad arte ,
mme soddisfe ll’uocchie,
primm’ ‘e tutte ll’ati parte.
Ma nun me ne vulite
a me, mme piace Margherita,
ca’ tra tutte ll’ati tipe…
è ‘a cchiù bella ‘e tutt’’e pizze,
pure si ogni tanto,
senza mutive né raggione,
je mme faccio…
‘na quatte staggione.
www.facebook.com/mario.longobardi.7121
email: mario.longobardi1963@gmail.com