Un felice sabato poetico, agli amici che vivono la vita con un poco di poesia, in questo periodo infelice, nel quale siamo costretti a rimanere nelle nostre case, possiamo almeno far volare un pensiero d’amore. La poesia che Vi propongo questa settimana, si     intitola:  ‘A certezza, sempre tratta dalla mia raccolta “Penziere d’ammore”. Il tema trattato è quello dell’uomo che trova la sua unica realizzazione  nell’amore della propria donna. Vi saluto con un augurio di un romantico fine settimana.

Mario Longobardi

‘A certezza

L’unica certezza ca’ me fa sèntere

bell’ e forte cchiù ‘e ‘nu Dio…

è quanne tu me guarde…

m’astrigne e me dice…

ammore mio.

A chillu punto nun capisco niente

co’ musso t’accarezze … senza voce

pe’ putè assapurà tutt’ ‘o doce

ca tiene ‘ngopp’ ‘a pelle

e po’ zittu zittu, appena appena,

cu’ nu felillo ‘e  voce…

te guardo dint’ a ll’uocchie e suspire:

-Oddio comme si bella!

E  je songhe ll’omme cchiù

felice e chesta terra !

Tu nu poco scurnosa

faje nu mieze surrise

e allora so’ sicure …

songhe ‘o cchiù felice

pure ‘e tutto ‘o paravise.

E si pe’ quacche strano avvenimento,

Giove mme chiammasse proprio mo’

dint’ a stu mumento e ca’ mela

mmane  me dicesse:

– Tiè guagliò fa tu ca’

je nun me voglio appiccecà…

‘mbe tra Venere ca’ tene ‘e vezze,

Giunone ca’ è ‘a padrona

e Minerva ca’ è tutta cerevella…

sempe a te scegliesse ammore mio…

pecchè cchiù ‘e loro tu si bella!

E   t’ ‘o dico cu’ certezza:

-A  vasà a te nun ‘ncè  sta prezzo.